افواج پاکستان نے پیشہ ورانہ مہارت سے وطن کا دفاع کیا : نواز شریف

مسلم لیگ ن کے صدر نواز شریف نےکہا ہےکہ پاک بھارت جنگ میں پارلیمنٹ نے مثبت اور توانا کردار ادا کیا ۔ افواج پاکستان نے پیشہ ورانہ مہارت سے سرزمین وطن کا دفاع کیا۔

مسلم لیگ ن کے صدر نوازشریف سے رہنما ن لیگ سینیٹر عرفان صدیقی نے ملاقات کی جس میں ملکی سیاسی صورت حال اور حالیہ پاک بھارت کشیدگی پر تبادلہ خیال کیاگیا۔

اس موقع پر سابق وزیراعظم نواز شریف کاکہنا تھاکہ پاکستان کی بہادر مسلح افواج نے پیشہ ورانہ مہارت اور بھرپور عزم کے ساتھ وطن کا دفاع کیا، اللہ کا شکر ہےجس نے ہمیں اس امتحان میں سرخرو کیا۔

صدر ن لیگ کاکہنا تھا کہ پارلیمنٹ نے عوام کے جذبات کی بھرپور ترجمانی کرکے پاک بھارت جنگ میں مثبت اور توانا کردار ادا کیا،قومی سلامتی کےلیے ہر قسم کی سیاسی تقسیم بھلا کر یک زبان ہونا خوش آئند اقدام ہے۔

10 مئی کی رات پاکستان پر فیصلہ کن موڑ آیا، افواج کے سربراہوں اورپاک فوج کے جوانوں کو مبارک باد ، وزیر دفاع

ان کاکہنا تھاکہ عوام نے اپنی بہادر مسلح افواج کا حوصلہ بڑھایا جب کہ پاکستانی میڈیا نے سچ پر مبنی بیانیے کو دنیا کے سامنے رکھ کر دشمن کے جھوٹ کو پوری قوت سے بےنقاب کیا۔