پاک فوج نے افغانستان کی جارحیت کا منہ توڑ جواب دیا،محسن نقوی

وفاقی وزیر داخلہ محسن نقوی کاکہناہے کہ پاک فوج کے بہادرجوانوں نے افغانستان کی جارحیت کا منہ توڑ جواب دیاہے۔

محسن نقوی کا پاک افغان کشیدگی کے ردعمل میں کہنا تھا کہ پاک افغان بارڈر پر افغان فورسز کی جانب سے پاکستانی علاقوں پر بلااشتعال فائرنگ کی شدید مذمت کی اور کہا کہ اس طرح کی اشتعال انگیزی برداشت نہیں کی جائے گی۔

محسن نقوی نے بتایا کہ پاکستانی فورسز نے فوری طور پر جواب دے کر ثابت کیا کہ سرحدی جارحیت کا مؤثر اور بروقت ردعمل دیا جاتا ہے۔ ان کے بقول پاک افواج چوکس ہیں اور ہر خطرے کا منہ توڑ جواب دینے کی صلاحیت رکھتی ہیں۔

وفاقی وزیر نے خبردار کیا کہ افغانستان کو بھی ہندوستان جیسا سخت اور فیصلہ کن ردِعمل دیا جائے گا۔ انہوں نے کہا کہ اینٹ کے جواب میں پتھر سے جواب دیا جا رہا ہے اور اس سلسلے میں کسی رعایت کی گنجائش نہیں۔

محسن نقوی نے کہا کہ افغانستان کی حالیہ کاروائیاں ازلی دشمن کے سازشوں سے جڑی ہوئی معلوم ہوتی ہیں۔ انہوں نے کہا کہ پاکستان کے عوام بہادر مسلح افواج کے ساتھ کھڑے ہیں اور ملک کی حفاظت میں مکمل یکجہتی برقرار رہے گی۔

واصح رہے کہ افغان طالبان اور بھارتی حمایت یافتہ فتنہ الخوارج کی جانب سے پاک افغان سرحد سے بلااشتعال حملے کے جواب میں اب تک 200 سے زیادہ طالبان اور دہشتگردوں کو ہلاک کردیا گیا۔ جبکہ دشمن کے ساتھ جھڑپوں میں پاک فوج کے 23 جوانوں نے بھی جام شہادت نوش کیا۔