وزیراعظم کی ایک بارپھرتحریک انصاف کو مذاکرات کی دعوت

وزیراعظم شہباز شریف نے ایک بار پھر پاکستان تحریک انصاف کو مذاکرات کی پیشکش کرتے ہوئے کہا ہے کہ تمام مسائل کا حل بات چیت میں ہی ہے۔

ذرائع کے مطابق وزیراعظم نے چیئرمین پی ٹی آئی سے قومی اسمبلی میں ملاقات کے دوران کہا کہ بیٹھ کر بات کرتے ہیں، پہلے بھی کہا تھا کہ بیٹھ کر بات کر لیں۔ مذاکرات ہی تمام چیزوں کا حل ہیں۔

ذرائع کے مطابق وزیراعظم کے اس مکالمے پر بیرسٹر گوہر نے مختصر جواب میں "ان شاء اللہ” کہا۔

وزیراعظم شہباز شریف اور بیرسٹر گوہر کے درمیان یہ مکالمہ قومی اسمبلی میں مخصوص نشستوں سے متعلق فیصلے سے قبل ہوا۔ اس موقع پر وزیراعظم خود اٹھ کر بیرسٹر گوہر سے مصافحہ کرنے بھی پہنچے۔

واضح رہے کہ وزیراعظم کے مشیر رانا ثنااللہ بھی پہلے ہی پی ٹی آئی کو مذاکرات کی پیشکش کر چکے ہیں، جس سے حکومت کی طرف سے بات چیت کے دروازے کھلے رکھنے کا تاثر ملتا ہے۔