منشیات کیس : ساحر حسن نے ضمانت کےلیے سندھ ہائی کورٹ سے رجوع کرلیا

منشیات کے مقدمات میں گرفتار معروف اداکار ساجد حسن کے صاحبزادے ساحر حسن نے ضمانت کےلیے سندھ ہائی کورٹ سے رجوع کرلیا۔

سندھ ہائی کورٹ میں اداکار ساجد حسن کے بیٹے ملزم ساحر حسن کی منشیات کے مقدمے میں درخواست ضمانت کی سماعت ہوئی، دوران سماعت عدالت عالیہ نے ہدایت کی کہ آئندہ سماعت پر وکلا دلائل پیش کریں۔

عدالت عالیہ نے ریمارکس دیےکہ ضمانت کےلیے درخواست تو آئینی بینچ کے پاس جانا چاہیے۔

درخواست گزار کے وکیل نےموقف اختیار کیاکہ درخواست ضمانت ریگولر بینچ سن سکتا ہے۔

ہائی کورٹ نے ریمارکس دیےکہ پہلے تو ہمیں یہ دیکھنا ہےکہ یہ درخواست آئینی بینچ سنےگا یا ریگولر ؟۔

وکیل نے بتایاکہ ساحر حسن کی گرفتاری کو زبردستی مصطفیٰ قتل کیس سے جوڑا جارہا ہے،جب کہ یہ الگ کیس ہے،ملزم عدالتی ریمانڈ پر جیل میں ہے۔

بعد ازاں عدالت نے مزید سماعت 19 مارچ تک ملتوی کر دی۔

ہائی کورٹس سے سپر ٹیکس سے متعلق زیر التواء اپیلیں سپریم کورٹ منتقلی کا حکم

یاد رہےکہ کراچی میں دوست کے ہاتھوں قتل ہونےوالے نوجوان مصطفیٰ عامر کے قتل کیس میں گرفتار ملزم ارمغان اور شیراز نے دوران تفتیش انکشاف کیا تھاکہ وہ ساحر حسن نامی منشیات ڈیلر سے آئس اور ویڈ نامی منشیات خریدا کرتے تھے۔

اس انکشاف کےبعد پولیس نے قتل کیس کی تحقیقات کا دائرہ منشیات کی اسمگلنگ اور شہر کے پوش علاقوں میں منشیات کی سپلائی تک پھیلا دیا تھا،اسی دوران ملزم ساحر حسن کو بھی گرفتار کیاگیا تھا۔