سعودی عرب کی پیٹرولیم سیکٹر میں سرمایہ کاری خوش آئند ہے،وزیر خزانہ

وزیر خزانہ محمد اورنگزیب نے کہا کہ سعودی عرب کی پاکستان کے ڈاؤن اسٹریم پیٹرولیم سیکٹر میں سرمایہ کاری خوش آئند ہے۔

رپورٹ کے مطابق وزیرخزانہ محمد اورنگزیب نےانٹرویو دیتے ہوئے کہا کہ پاکستان سعودی عرب کی وژن 2030 سے سیکھنے کیلئےپرعزم ہے،سعودی عرب وژن 2030 کے اہداف وقت سے پہلے حاصل کر رہا ہے۔

محمد اورنگزیب نے کہا کہ سعودی عرب کی کامیابیوں سے پاکستان کو اپنی اقتصادی اصلاحات میں رہنمائی مل سکتی ہے۔

وفاقی وزیر خزانہ نے کہا کہ پاکستان اور سعودی عرب کے درمیان حکومتی سطح پرکئی معاہدے زیر غور ہیں، پاکستان سے سعودی عرب کو ہنر مند افرادی قوت کی برآمد بڑھانے کے وسیع مواقع موجود ہیں۔

محمد اورنگزیب کا مزید کہنا تھا کہ سعودی عرب کی حمایت اور آئی ایم ایف پروگرام میں تعاون پر شکر گزار ہیں، العلا کانفرنس ابھرتی معیشتوں کے درمیان تعاون اور اقتصادی استحکام کے لیے اہم فورم ہے۔