وزیرستان میں چیک پوسٹ پر خودکش حملہ،اہلکاروں سمیت 8 افراد شہید
خیبر پختون خوا کے قبائلی ضلع شمالی وزیرستان میں فورسز کی چیک پوسٹ پر خودکش حملے میں سیکیورٹی اہلکاروں سمیت 8 افراد شہید اور 5 زخمی ہوگئے۔
چیک پوسٹ کو نشانہ بنایاگیا
میرعلی کے علاقے عیدک میں پولیس اور آرمی کی جوائنٹ چیک پوسٹ ’اسلم‘ پر خودکش حملہ میں 8 افراد شہید اور 5 زخمی ہوگئے۔
بارودسےبھرارکشہ دوران چیکنگ ٹکرایا
سینئر پولیس آفیسر کےمطابق خودکش حملہ آور نے بارود سے بھرا رکشہ چیک پوسٹ سے ٹکرا کر دھماکے سے اڑادیا۔شہید افراد میں چار پولیس اہلکار، 2 فوجی اور دو عام شہری شامل ہیں۔ دھماکےمیں چیک پوسٹ کے ساتھ ساتھ ایک فوجی گاڑی کو بھی نشانہ بنایا گیا۔
زخمیوں کو میران شاہ ہسپتال منتقل کیاگیا
زخمیوں کو فوری طور پر میران شاہ اسپتال منتقل کردیا گیا جہاں متعدد کی حالت تشویشناک بتائی جاتی ہے جس کے باعث شہید افراد کی تعداد میں اضافے کا اندیشہ ہے۔ سیکیورٹی فورسز نے جائے وقوعہ کا محاصرہ کرلیا اور مزید کارروائی جاری ہے۔
شہباز حکومت آنے کے بعد پاکستان اور چین کے باہمی روابط میں اضافہ ہوا : چینی سفیر
ٹانک کے گاؤں میں فوجی قافلے پرحملہ
ایک دوسرے واقعے میں صوبہ خیبرپختونخوا کے جنوبی ضلع ٹانک کے گاٶں گل امام گاؤں میں فوجی قافلے پر ریموٹ کنٹرول بم دھماکہ ہوا۔ دھماکہ میں کسی جانی نقصان کی اطلاع نہیں ملی۔
بابر سلیم سواتی کاقیمتی جانوں کے نقصان پر افسوس
اسپیکر کے پی اسمبلی بابر سلیم سواتی نے قیمتی جانوں کے نقصان پر افسوس کا اظہار کرتے ہوئے کہا کہ حملے میں 4 پولیس اہلکاروں سمیت 8 افراد کی شہادت ہوئی، ان بزدلانہ کارروائیوں کے خلاف خیبرپختونخوا پولیس ہمیشہ صف اول میں کھڑی ہے۔
