ٹیسٹ ٹیم کے ہیڈ کوچ جیسن گلیسپی کاجنوبی افریقہ جانے سے انکار
پاکستان ٹیسٹ ٹیم کے ہیڈ کوچ جیسن گلیسپی پاکستان کرکٹ بورڈ سے ناراض ہوگئے اور انہوں نےجنوبی افریقہ جانے سےانکار کر دیا۔
واضح رہے کہ یہ پیش رفت ایسے وقت میں سامنے آئی ہےجب پی سی بی کی جانب سے جنوبی افریقہ کے دورے کیلئےاسسٹنٹ کوچ ٹم نیلسن کے کنٹریکٹ میں توسیع نہ کرنے کا فیصلہ کیا گیا ہے۔
جیسن گلیسپی اسسٹنٹ کوچ ٹم نیلسن کو ہٹانے پر ناراض ہیں اور انہوں نےجنوبی افریقہ جانے سےانکار کردیا ہے۔
ذرائع نے بتایا کہ جیسن گلیپسی ٹم نیلسن کے معاہدے کی توسیع نہ ہونےپر ناراض تھے۔
یاد رہے کہ پاکستان اور جنوبی افریقہ کے درمیان ٹیسٹ سیریز 26 دسمبر سے شروع ہوگی۔
واضح رہے کہ کھیلوں کی ویب سائٹ کرکٹ انفونے رپورٹ کیا تھا کہ پی سی بی نے ہائی پرفارمنس کوچ ٹم نیلسن کے کنٹریکٹ میں توسیع نہ کرنے کا فیصلہ کیا ہے اور اس حوالے سے بورڈ نےاسسٹنٹ کوچ کو اپنے فیصلے سےآگاہ کردیا گیا۔
پاکستان کرکٹ بورڈنے ٹم نیلسن کو باضابطہ طور پر ’ہائی پرفارمنس ریڈ بال کوچ‘ کے طور پر رواں سال اگست میں جیسن گلیپسی کی سفارش پرمقرر کیا گیا تھا لیکن اب ان کا کنٹریکٹ ختم ہو گیاتھا جو دورہ آسٹریلیا کےبعدرینیو ہونا تھا۔
پاکستان ریڈ بال کوچ پی سی بی کے ساتھ مزید کام کرنا چاہتے تھے اور وہ اپنے کنٹریکٹ میں توسیع کےفیصلے کے بارے میں انتظارکررہے تھے۔
تاہم پی سی بی نے ٹیسٹ ٹیم کے ہیڈ کوچ جیسن گلیسپی کو اس بارے میں اطلاع نہیں دی تھی کہ انہیں جنوبی افریقہ کے دورےمیں اپنے اسسٹنٹ کوچ کی خدمات حاصل نہیں ہوں گی، اس فیصلے سےوہ بہت متاثر ہوئے ہیں۔
