سول نافرمانی کی تلوارلٹکانےسےمذاکرات نہیں ہوتے،عرفان صدیق کی پی ٹی آئی پرتنقید
مسلم لیگ ن کےسینیٹر عرفان صدیقی نے تحریک انصاف کو پیغام دیا ہےکہ سول نافرمانی کی تلوار لٹکانے سےمذاکرات نہیں ہوتے، ایسا نہ کریں، اگر پی ٹی آئی بات کرنا چاہتی ہے تو سو بسم اللہ ہم تیار ہیں۔
سینیٹ اجلاس میں اظہار خیال کرتےہوئےسینیٹر عرفان صدیقی کا کہنا تھا کہ پرامن احتجاج کا حق ہے، لیکن کیا پرامن احتجاج الجہاد اورمارو کےنعروں سے ہوتا ہے؟ کہاں ایسا پرامن احتجاج کیا جاتاہے جہاں آپ آنسو گیس لےکر چلیں،کہاں پرامن احتجاج کیا جاتا ہےجہاں مارو یا مرجانےکا نعرہ لگا کر چلیں؟
سینیٹر عرفان صدیقی کا کہنا تھا کہ اس باراحتجاج کی کوئی درخواست نہیں دی گئی، کوئی اجازت نہیں مانگی گئی،ہم نےمذاکرات کے کبھی دروازےبند نہیں کیے، ہم چاہتے ہیں بات ہو،ہم بات چیت کیلئےتیار ہیں۔
مسلم لیگ ن کےسینیٹر کا کہنا تھا کہ برف پڑ ضرور رہی ہےلیکن پگھلی نہیں ہے، پہلے بھی مذاکرات کےبعدان کی ٹیم خوشی خوشی گئی تو بانی پی ٹی آئی نے مذاکرات سے انکار کردیا تھا۔
دوسری جانب گزشتہ روز حکومت اورپی ٹی آئی کا مذاکرات کیلئےاپنی اپنی پارٹیوں میں سخت گیر مؤقف رکھنے والوں کو سمجھانے پر اتفاق ہوا ہے۔
پی ٹی آئی کے شوکت یوسف زئی کہتےہیں کہ مذاکرات شروع ہوئے تو سول نافرمانی کی کال واپس لےلیجائے گی ، ورنہ دوسری صورت میں حکومت سول نافرمانی تحریک کیلئےتیار ہوجائے۔
