آئس کریم کی خواہش نے خاتون کو کروڑوں کامالک بنا دیا

امریکا میں آئس کریم کی خواہش کرتے ہوئے بازار جانیوالی خاتون نے لاٹری ٹکٹ خریدی اور27 کروڑ90 لاکھ جیت کر انکی مالک بن گئی۔

امریکی ریاست کینٹکی سے تعلق رکھنے والی خاتون نے بتایا کہ وہ گزشتہ ہفتے آئس کریم کی طلب میں بازار گئیں جہاں راستے میں ایک اسٹیشن پر رک کر انہوں نے کینٹکی جیک پاٹ اسکریچ-آف ٹکٹ خریدا۔

لاٹری جیتنے والی خاتون نے20 ڈالر کا ٹکٹ اسکریچ کیا جس میں ان کا 10 لاکھ ڈالر کا انعام نکلا۔خاتون کا کہنا تھا کہ انہوں نے کارڈ کو بائیں سے دائیں جانب کھرچنا شروع کیا۔ پہلے انہوں نے سوچا کہ انہیں ان کے 20 ڈالر واپس مل گئے، بعد میں خیال آیا کہ 100 ڈالر ہیں لیکن اس کے بعد انہیں ایک کوما دکھا جس سے معلوم ہوا کہ ابھی اور ہندسے باقی ہیں۔

خاتون نے کہا کہ انہیں انعام ملنے کی اتنی خوشی تھی کہ انہوں نے آئس کریم کا پروگرام کینسل کر دیا۔