انقلاب آ گیاتوحکمران بوجھ برداشت نہیں کر سکیں گے،علی امین گنڈاپور
وزیراعلیٰ خیبرپختونخواعلی امین گنڈاپور کاکہنا ہےکہ ہمیں مجبور نہ کیا جائے، ہم اپنے شہدا اور غازیوں کوسلام پیش کرتے ہیں اورانہیں نہیں بھولیں گے اور اگر انقلاب کا نعرہ لگا دیا تو پھر تم اس کا بوجھ برداشت بھی نہیں کرسکو گے۔
صوابی میں الیکشن کا ایک سال مکمل ہونےپرمنتعقدہ پی ٹی آئی کے احتجاجی جلسے سے خطاب کرتے ہوئے علی امین گنڈا پورنے کہابانی پی ٹی آئی عمران خان سے ساری دنیا کے لوگ پیار کرتے ہیں، یہ اسمبلیوں میں بیٹھ کر بھی ہار گئے ہیں۔ فوج اور عوام کو حکومت لڑوا رہی ہے،ہم تو بات چیت کیلئےتیار ہیں جبکہ یہ بھاگ رہے ہیں، حکومت بات چیت سےبھاگ رہی ہے تواس کا جواب بھی ہمیں دینا آتا ہے۔
وزیراعلیٰ علی امین گنڈا پور نے کہا کہ ہمارا صوبہ دہشت گردی کا شکار ہے اور عوام کے تعاون کے بغیر دہشت گردی کا مقابلہ ممکن نہیں، میں کہتا ہوں ان چووروں کا ساتھ دینا چھوڑ دو اور عوام کے پاس آجاؤ۔
علی امین گنڈاپورنے کہا کہ بانی چیئر مین جیل میں بیٹھ کرجیت گیا، ہم متحد ہوکر بانی چیئرمین کی قیادت میں آگے بڑھیں گے اوراپنا حق آئین و قانون کی بالادستی تک مانتے رہیں گے، اس معاملے میں ہماری آواز ایک ہی ہے اور ہم ملکر آئین کا تحفظ مانگ رہے ہیں۔
وزیراعلیٰ نے کہا کہ پی ٹی آئی اور عمران خان نظریہ بن چکے ہیں، نظریہ مرتا نہیں نہ ہی ڈرتا ہے، تم ایوانوں میں بیٹھ کر بھی ہار گئے ہیں کیونکہ تمھارے پاس کوئی نظریہ نہیں ہے۔
