ٹرین آپریٹر نےبیت الخلا میں 4 منٹ لگادیے

جنوبی کوریا کےدارالحکومت سیئول میں 125 ٹرینیں اس وقت تاخیر کا شکارہوگئیں جب ایک ٹرین آپریٹر نےبیت الخلا میں 4 منٹ لگادیے۔

میڈیا رپورٹس کےمطابق جنوبی کوریامیں ٹرین آپریٹر کے ’ٹوائلٹ بریک‘ کی وجہ سےملک میں سیکڑوں مسافروں کو ان کی منزلوں تک پہنچنے میں تاخیر ہوئی ۔

یہ واقعہ مقامی وقت کےمطابق صبح 8 بجےکےقریب سیول کی لائن 2 پر اس وقت پیش آیا جب ٹرین کےآپریٹر نےایک اسٹیشن پر ٹوائلٹ بریک لیا۔

معمولی دام میں خریدی گئی کتاب 1 کروڑ روپے میں فروخت

موقع پرموجود ایک انجینئر جوعینی شاہد ہے،نے بتایا کہ آپریٹر بیت الخلاء تک پہنچنے کے لیے پلیٹ فارم سےنیچے بھاگا۔ ٹوائلٹ دوسری منزل پر ہونے کی وجہ سےٹرین آپریٹر کو اپنے کیبن میں واپس آنےمیں 4 منٹ 16 سیکنڈ لگے۔

سیئول میٹرو کےمطابق ٹرین کےبعد آنے والی 125 ٹرینوں کو ری شیڈول کیا گیا اور ان میں سےاکثر کو ان کے اصل طے شدہ آمد کے اوقات سے 20 منٹ یا اس سےزیادہ کی تاخیر کا سامنا کرنا پڑا۔