الیکشن کمیشن میں دو نئی سیاسی جماعتیں رجسٹرڈ

الیکشن کمیشن آف پاکستان میں دو نئی سیاسی جماعتیں رجسٹرڈ کر لی گئی ہیں۔

الیکشن کمیشن کی جانب سے جاری کردہ نوٹیفکیشن کے مطابق "آزاد عوام پاکستان پارٹی” اور "تجدیدِ نظام پارٹی” کو باقاعدہ طور پر رجسٹریشن دے دی گئی ہے۔

نوٹیفکیشن میں بتایا گیا ہے کہ آزاد عوام پاکستان پارٹی کے سربراہ محمد علی ہیں، جبکہ تجدیدِ نظام پارٹی کی قیادت خالد زمان کے پاس ہے۔

الیکشن کمیشن نے دونوں جماعتوں کے انٹرا پارٹی انتخابات کو تسلیم کر لیا ہے۔

ان دو جماعتوں کی شمولیت کے بعد ملک میں رجسٹرڈ سیاسی جماعتوں کی مجموعی تعداد 170 ہو گئی ہے۔