امریکا کا یوکرین کوجدید فضائی دفاعی نظام دینے کا فیصلہ

امریکا نے یوکرین کو جدید فضائی دفاعی نظام فراہم کرنے کی منظوری دے دی ہے، جس کی مجموعی مالیت تقریباً 179 ملین ڈالر ہے۔

امریکی محکمہ خارجہ نے اس فیصلے کی تصدیق کرتے ہوئے کہا ہے کہ یوکرین کو پیٹریاٹ ایئر ڈیفنس سسٹم فروخت کرنے کا منصوبہ تیار کر لیا گیا ہے۔ حکام کے مطابق اس معاہدے کی مالیت 179 ملین ڈالر مقرر کی گئی ہے۔

واضح رہے کہ گزشتہ ماہ امریکی صدر ڈونلڈ ٹرمپ نے اعلان کیا تھا کہ امریکا یوکرین کو پیٹریاٹ ایئر ڈیفنس سسٹمز فراہم کرے گا تاکہ وہ روسی حملوں کے مقابلے کی صلاحیت بڑھا سکے۔

یہ ہتھیار ایک نئے معاہدے کے تحت دیے جائیں گے جس میں نیٹو اتحادی ممالک بھی جزوی طور پر لاگت برداشت کریں گے۔