خواتین میں مصنوعی پلکوں کا استعمال خطرناک قرار

آئی لیش ایکسٹینشنز آپ کو مائٹس کی ایک ناخوشگوار افزائش کا شکار بنا سکتی ہیں، جو پلکوں کی جڑوں میں داخل ہو کر بینائی کو متاثر کر سکتی ہیں۔

ایک تحقیق انکشاف ہوا ہے کہ یہ بیوٹی ٹریٹمنٹ باقاعدگی سے کروانے والی 96 فی صد خواتین میں یہ خوردبینی جاندار پائے گئے۔

طبی زبان میں ڈیموڈیکس کہلانے والی یہ مائٹس مصنوعی پلکوں کو جوڑنے کے لیے استعمال ہونے والے خشک گلو میں جمع ہونے والے مردہ جلدی خلیات کو خوراک کے طور پر استعمال کرتی ہیں، جس کے باعث ان کی تعداد تیزی سے بڑھ سکتی ہے۔

آئی لیش ایکسٹینشنز مردہ مائٹس کو بھی پھانس سکتی ہیں، جس کی وجہ سے وہ قدرتی طور پر جسم سے خارج نہیں ہو پاتیں۔