ارطغرل غازی’ نے پاکستان میں مقبولیت کے جھنڈے گاڑ دئیے
وزیر اعظم عمران خان کی ہدایت پر ترکی کا مقبول ترین تاریخی ڈرامہ ‘ارتغرل غازی’ پاکستان کے سرکاری نشریاتی ادارے پی ٹی وی ہوم پر نشر کیا گیا جس نے ریکارڈ توڑ کامیابی حاصل کی۔
ترکی کے تاریخی ڈرامے کی پہلی قسط کو یکم رمضان کو نشر کیا گیا تھا جس کے بعد سوشل میڈیا پر ہر جگہ اس ڈرامے کے چرچے زبان زد عام ہیں۔
ڈرامے کی مقبولیت میں تیزی سے اضافہ ہونے لگا اور ‘ارتغرل غازی’ کے یوٹیوب چینل پر صرف 15 روز میں 10 لاکھ سسکرائبرز ہو گئے جب کہ ڈرامے نے پاکستان میں تمام تر ریکارڈز توڑ دیے اور اس کی پہلی قسط کو یوٹیوب پر ایک کروڑ 41 لاکھ سے زائد افراد دیکھ چکے ہیں۔
یوٹیوب پر 10 لاکھ سسکرائبرز کے علاوہ ارتغرل غازی تقریباً روزانہ ہی مائیکرو بلاگنگ سائٹ ٹوئٹر کے ٹرینڈنگ پینل پر سر فہرست نظر آتا ہے۔
اس ضمن میں ترکش ریڈیو ٹیلی ویژن (ٹی آر ٹی) ڈیجیٹل ریڈیو اور ٹی وی کے ڈائریکٹر ریاض منٹی نے مائیکرو بلاگنگ سائٹ پر ایک ٹوئٹ بھی کیا۔
Let’s get 🇵🇰 the world record for most new subscribers in 1 month on YouTube. The current record is 6.6 million and the channel Ertugrul Ghazi can beat that with your ❤️! We have 15 days to make history. Subscribe: https://t.co/Mqr93UOBwr -use the tag #ErtugrulYouTubeRecord pic.twitter.com/kjJGE797DB
— tabii Urdu (@tabiiur) May 8, 2020
انہوں نے اپنے ٹوئٹ میں ڈرامہ سیریل ارتغرل کے مداحوں سے مخاطب ہو کر کہا کہ’ آپ سب نے مل کر ایک مہینے میں اس یوٹیوب چینل کو سب سے زیادہ فالو کرنے والا چینل بنانا ہے’۔ان کا مزید کہنا تھا کہ ‘ہمارے چینل پر 60 لاکھ سے زائد لوگ وزٹ کر چکے ہیں لیکن اب ہمیں آپ کی ضرورت ہے تاکہ آپ اس چینل کو سب سے زیادہ فالو کیے جانے والا چینل بنادیں’۔
سوشل میڈیا پر مداح ترکش ڈرامہ سیریل ارتغرل کے یوٹیوب چینل پر کم دنوں میں سب سے زیادہ سسکرائبرز کے ریکارڈ کو بنانے کے لیے پرجوش دکھائی دے رہے ہیں۔مائیکرو بلاگنگ سائٹ ٹوئٹر کے ٹرینڈنگ پینل پر ‘ارتغرل یوٹیوب ریکارڈ’ ٹاپ ٹرینڈ بنا ہوا ہے۔
ترکی کے مشہور ڈرامہ سیریل ‘ارطغرل غازی’ کی کہانی تیرہویں صدی میں مسلمانوں کی عالمی فتوحات کی عکاسی کرتی ہے، جب کہ ڈرامے کی کہانی مسلمانوں کو در پیش مسائل کے حل کے لیے مسلم اسکالر اور اسلامی فقہ کے کردار پر زور دیتی ہے۔
واضح رہے کہ ڈرامہ سیریل ‘ارتغرل غازی’ کو ترکش سمیت متعدد زبانوں میں ڈب کر کے مختلف ممالک میں نشر کیا گیا ہے۔گزشتہ سال ترکش ڈرامے ‘ارتغرل غازیی’ سے متاثر ہو کر ایک میکسیکن جوڑے نے اسلام قبول کیا تھا۔اسلام قبول کرنے والے میکسیکن جوڑے کا کہنا تھا کہ ’ہم ترکی کے ڈرامے ارتغرل اور اس ملک کی دنیا بھر میں انسانی خدمت کے اقدامات سے متاثر ہو کر اسلام قبول کرنے کا فیصلہ کیا۔‘
