جنوبی افریقہ: کان میں دھماکے سے 31 مزدور ہلاک

جنوبی افریقہ کے شہر ویلکم میں ورجینیا نامی سونے کی کان میں 18 مئی کو گیس دھماکا ہوا تھا جس میں مرنے والے کان کنوں کی تعداد محکمہ توانائی نے اب ظاہر کی ہے۔

عالمی میڈیا نے محکمہ معدنی وسائل اور توانائی (ڈی ایم آر ای) کی رپورٹس کا حوالہ دیا جس میں بتایا گیا کہ تمام کان کن جنوبی افریقہ کی آبائی قوم بسوتھو سے تعلق رکھتے تھے اور 30 سال سے بند کان میں غیرقانونی طور پر کارروائی کررہے تھے۔شبہ ظاہر کیا جارہا ہے کہ ہلاک شدہ افراد پڑوسی ملک لیسوتھو کے غیر قانونی کان کن تھے تاہم یہ واضح نہیں ہے کہ لیسوتھو حکام کو ہلاکتوں سے کب آگاہ کیا گیا تھا۔