عام انتخابات کب ہوں گے؟راجہ ریاض نے نیا دعویٰ کردیا
سابق اپوزیشن لیڈر راجہ ریاض کاکہنا ہے کہ عام انتخابات فروری میں ہوں گے۔الکیشن میں پی ٹی آئی حصہ لے گی یا نہیں کچھ نہیں کہہ سکتا۔
سابق اپوزیشن لیڈر راجہ ریاض کا نجی ٹی وی سے گفتگو میں کہنا تھا پاکستان تحریک انصاف (پی ٹی آئی) کے وائس چیئرمین شاہ محمود قریشی معاہدے کے تحت باہر ہیں، ان کا معاہدہ یہی ہے کہ وہ پی ٹی آئی کے لیے کام نہیں کریں گے اور چیئرمین پی ٹی آئی کے خلاف ہیں۔شاہ محمود قریشی کی تنقید پرکہا کہ قریشی صاحب پی ٹی آئی کے لیےکام نہ کرنےکا معاہدہ کرکے باہر آئے ہیں، کچھ کہنے سے پہلے اپنی پوزیشن واضح کریں، میں نے چیئرمین پی ٹی آئی کے بارے میں جو کچھ کہا وہ سچ ثابت ہوا۔
اندر کی کہانی بتاتے ہوئے راجہ ریاض کا کہنا تھا کہ اسحاق ڈار اور شاہد خاقان کے نام بطور نگران وزیراعظم زیر غور ہی نہیں آئے، وزیراعظم سے طے ہوا تھا کہ جب تک نگران وزیراعظم کا نام فائنل نہیں ہوتا، سامنےنہیں لایا جائےگا، میں نےجو وعدہ کیا تھا پورا کیا۔ان کا کہنا تھا کہ ہوسکتا ہےکہ معاشی ماہرین کے نام نگران کابینہ میں ہوں، نگران وزیر خزانہ کوئی نہ کوئی معاشی ماہر ہی ہوں گے، میرا خیال ہےکہ نگران وزیرخزانہ ٹیکنوکریٹ ہوں گے۔
