ماہرہ اور عائشہ عمر کاوزیراعظم سے اہم مطالبہ
معروف اداکارہ ماہرہ خان اور عائشہ عمر نے گھریلو تشدد کی روک تھام کے لیے وزیراعظم سے قانون سازی کا مطالبہ کر دیا ، انھوں نے مطالبہ کیا کہ وزیراعظم خواتین پر ہونیوالے گھریلو تشدد کی روک تھام کے لیے اسمبلی میں بل لائیں۔سوشل میڈیا پر ماہرہ خان اور عائشہ عمر نے عمران خان سے مطالبہ کیا ہے کہ گھریلو تشدد کی روک تھام کے لیے پارلیمنٹ سے بل منظور کرانے کے لیے ضروری اقدامات کیے جائیں۔
THIS!! 🙌🏼👏🏼 @ImranKhanPTI Now please please get the domestic violence bill passed 🙏🏼 Till there aren’t laws in place, women will always be vulnerable to abuse. There must be accountability. https://t.co/IJKyCmGgVB
— Mahira Khan (@TheMahiraKhan) August 2, 2021
خیال رہے کہ اسلام آباد میں گزشتہ ماہ قتل ہونے والی لڑکی نور مقدم کے المناک حادثے کے بعد بہت سے لوگوں نے ایسے واقعات کی روک تھام کے لیے سخت قانون سازی کا مطالبہ کیا ہے۔ماہرہ خان نے اپنی ایک ٹویٹ میں وزیراعظم کو مخاطب کرتے کہا کہ جب تک گھریلو تشدد کی روک تھام کے لیے قانون نہیں ہوگا تب تک خواتین بدسلوکی کا شکار رہیں گی۔
@ImranKhanPTI I second this. This should definitely be a priority right now. This bill needs to be passed and laws put in place. So many women are regularly facing Domestic abuse and it’s dismissed as being “ghar ka maamla”. Women need to be protected. 🙏 #DomesticViolence https://t.co/3PlNeqIBgM
— Ayesha Omar (@ayesha_m_omar) August 3, 2021
اداکارہ عائشہ عمر نے بھی ماہرہ خان کی پوسٹ کا جواب دیا۔ انہوں نے اپنی ٹویٹ میں عمران خان کو ٹیگ کرتے ہوئے کہا کہ بہت سی خواتین کو گھریلو زیادتی کا سامنا کرنا پڑتا ہے اور بعد میں اسے ذاتی معاملہ قرار دے کر مسترد کر دیا جاتا ہے۔ گھریلو تشدد کے معاملے پر اور عورتوں کو تحفظ دلانے کے لیے فوری قانون سازی کی ضرورت ہے۔
یاد رہے کہ اس سے قبل قوم سے خطاب میں وزیراعظم عمران خان نے کہا تھا کہ لوگ کہتے ہیں کہ نور مقدم کا مبینہ قاتل ایک امیر اور بااثر خاندان سے ہے، جس کی وجہ سے ملزم بچ سکتا ہے، مگر ملزم بچ نہیں پائے گا چاہے وہ دوہری شہریت اور امریکی شہری ہی کیوں نہ ہو۔
