ضلع خیبر میں دھماکے سے 24 افراد جاں بحق
خیبرپختونخوا کے ضلع خیبر کی وادی تیراہ کے ایک کمپاؤنڈ میں دھماکا خیز مواد پھٹنے سے 24 افراد جاں بحق ہوگئے۔
پولیس کے مطابق جاں بحق افراد میں 14 مبینہ شدت پسند شامل ہیں،مرنے والوں میں خواتین اور بچوں سمیت 10عام شہری بھی شامل ہیں۔
پولیس کا کہنا ہے کہ کمپاؤنڈ کو طالبان کمانڈر امان گل اور مسعود خان بطور بم فیکٹری استعمال کررہے تھے اور یہاں اسلحہ ذخیرہ کیا گیا تھا۔دھماکے سے قریب کی کئی رہائش گاہیں بھی تباہ ہوگئیں۔
پولیس کے مطابق اس شورش زدہ علاقے میں شدت پسند عام شہریوں کو انسانی ڈھال کے طور پر استعمال کررہے ہیں۔
