338 فٹ پیزا کی آمدنی آسٹریلوی فائرفائٹرز کو عطیہ

آسٹریلیا کے ایک ریسٹورنٹ نے فائرفائٹرز کےلیے عطیات جمع کرنےکی خاطر ایک 338 فٹ طویل پیزا تیار کیا۔ پیری اور روز میری میو نامی بہن بھائی کی ملکیت پیلیگرینیز اٹالین، سڈنی کے نزدیک واقع ہے۔اتوار کو دونوں نے ایک کنوینئر اوون کی مدد سے طویل ترین مارگریٹا پیزا بنایا۔ ان دونوں بہن بھائیوں کو اس پیزا کے بنانے میں 4 گھنٹے لگے۔
اس پورے پیزا کی تیاری میں 90 کلوگرام آٹا لگا۔پیزا کو تیار کرنے کے بعد اسے 4000 سلائس میں کاٹ کر مجمع میں تقسیم کیا گیا۔
مجمع میں موجود 3000 افراد نے نیو ساؤتھ ویلز رورل فائر سروس کےلیے عطیات دئیے۔پیری میو نے بتایا کہ اس پیزا نے عالمی ریکارڈ تو نہیں توڑا۔ انہوں نے بتایا کہ اس تقریب کا مقصد زیادہ ضروری فنڈز جمع کرنا تھا۔
آسٹریلیا میں ستمبر کے مہینے سے لگی آگ نے بڑے پیمانے پر تباہی پھیلائی تھی۔ آگ نے 10 ملین ہیکٹر کے رقبے کو جلا دیا۔ آگ سے بے شمار جانور اور کئی درجن فائر فائٹرز بھی اپنی جان سے ہاتھ دھو بیٹھے۔
حالیہ بارشوں سے جہاں کچھ جگہوں پر آگ بھڑک اٹھی، وہاں بہت سی جگہوں پر آگ بجھ بھی گئی ہے۔