افغانستان میں امن کیلئے عیسا ئیوں سے روزہ رکھنے کی اپیل

کیتھولک عیسائیوں کے مذہبی پیشوا پوپ فرانسس نے افغانستان میں قیام امن کے لیے  دنیا بھر کے عیسائیوں سے روزہ رکھنے کی اپیل کردی۔

پوپ فرانسس کا کہنا تھاکہ افغانستان میں امن واستحکام کیلئے دنیا بھر کے عیسائی روزہ رکھیں۔انہوں نے اپیل کی کہ عیسائی برادری افغانستان کے مستقبل کیلئے دعا اور عبادات کا بھی اہتمام کرے۔

پوپ فرانسس نے گزشتہ دنوں کابل ائیرپورٹ پر خودکش دھماکے میں ہونے والی اموات پر بھی دکھ کا اظہار کیا اور کہا کہ اس وقت ان تمام لوگوں کی مدد کریں جن کو ہماری ضرورت ہے۔