ڈی جی خان میں پولیس مقابلہ، 3 ڈاکو ہلاک،1اہلکار شہید
ڈیرہ غازی خان میں پولیس اور ڈاکوؤں کے درمیان مقابلے میں 3 ڈاکو ہلاک ہو گئے جبکہ ایک پولیس اہلکار بھی شہید ہو گیا۔
پولیس کے مطابق پولیس اور ڈاکوؤں کے درمیان فائرنگ کا تبادلہ کوٹ مبارک کے علاقے میں پیش آیا۔ لادی گینگ کے ارکان کی موجودگی پرپولیس نےکارروائی کی تھی، پولیس کے پہنچنے پر ڈاکوؤں نے فائرنگ شروع کردی۔
حکام کے مطابق پولیس کی جانب سے بھی جوابی فائرنگ کی گئی جس میں 3 ڈاکو مارے گئے جبکہ ایک پولیس اہلکار شہید ہوگیا۔
