بینک اکاؤنٹس میں زکوۃ کٹوتی کیلئے نصاب مقرر

بینکوں کی جانب سے رمضان کی آمد پر زکوٰۃ کے نصاب کو مقرر کر دیا گیا ہے، کم سے کم ایک لاکھ پینتس ہزار 179 روپے رکھنے والوں سے زکوٰۃ منہا کی جائے گی، نئے نصاب کے مطابق بینک اکاؤنٹس اور ڈپازٹس میں کم از کم ایک لاکھ 35 ہزار 179 روپے رکھنے والوں سے زکوٰۃ منہا کی جائے گی، اس سے کم رقم رکھنے والے صارفین زکوٰۃ کٹوتی سے مستثنیٰ ہوں گے۔اسٹیٹ بینک نے بینکوں کو کٹوتی کے لیے ہدایات جاری کردیں جس کے مطابق زکوۃ کی کٹوتی یکم رمضان کو ہوگی۔اس کٹوتی کا اطلاق نفع نقصان کی شراکت پر کھلنے والے سیونگ اکاؤنٹس اور ڈپازٹس پر ہوگا جبکہ کرنٹ اکاؤنٹس سے زکوٰۃ کٹوتی نہیں ہوگی۔