10سال سزا کے بعداعجاز چودھری،احمد خان بچھر،احمد چٹھہ نااہل قرار

سانحہ9مئی کےکیسز میں سزائیں ملنےکےبعدالیکشن کمیشن نے سینیٹر اعجاز چودھری، احمد خان بھچر اور احمد چٹھہ کو نااہل قرار دے دیا، ان کی اسمبلی کی نشستیں خالی ہوگئیں۔

الیکشن کمیشن نے رکن قومی اسمبلی سینیٹر اعجاز چودھری کی نااہلی کا نوٹی فکیشن جاری کردیا۔ الیکشن کمیشن نے کہا ہے کہ انسداد دہشت گردی عدالت نے اعجاز چوہدری کو دس سال کی سزا سنائی ہے اس لیے وہ اب نااہل ہوچکے ہیں۔

الیکشن کمیشن نے این اے 66 وزیر آباد سے احمد چٹھہ کو نااہل قرار دے دیا، پی پی 87 میانوالی سے احمد خان بھچر کو بھی نااہل قرار دے دیا گیا

الیکشن کمیشن کے مطابق انسداد دہشت گردی عدالت کے فیصلوں کے بعد دونوں ارکان کو نااہل قرار دیا گیا ہے۔

الیکشن کمیشن کے نوٹی فکیشن کے بعد یہ تینوں نشستیں اب خالی ہوچکی ہیں اور ان نشستوں پر ضمنی الیکشن ہوگا۔