حفاظت اللہ کرتاہے،سہیل آفریدی نےپنجاب پولیس کی سکیورٹی واپس کردی
وزیراعلیٰ کے پی سہیل آفریدی نے کلرکہار ریسٹ ایریا میں ان کی سکیورٹی پر مامور پنجاب پولیس کے اہلکاروں کو واپس جانے کا کہہ دیا۔
کلر کہار ریسٹ ایریا پہنچنے پر سہیل آفریدی نے پولیس اہلکاروں سے مکالمہ کیا کہ کوئی اور کام بھی کرتے ہو یا صرف پی ٹی آئی پر ہی نظر ہے؟
اس پر پولیس افسر نے جواب دیا ہم تو آپ کی حفاظت کے لیے یہاں کھڑے ہیں جس پر سہیل آفریدی نے کہا کہ میری حفاظت اللہ کرتا ہے، تم لوگوں کے ہاتھ میں ہو تو میں کل مرجاؤں یا آج ہی مرجاؤں۔
وزیر اعلیٰ نے مزید کہا کہ پولیس والے ایک بھی پبلک کار کو رکنے نہیں دے رہے۔
سہیل آفریدی نے پروٹوکول کے لیے آنے والے افسران کو واپس چلے جانے کا کہا۔
