عاطف خان کی عون چودھری سےملاقات، پی ٹی آئی رہنماؤں کی تنقید

رہنماپی ٹی آئی عاطف خان اور استحکام پاکستان پارٹی کے رہنما عون چودھری کی ملاقات پرپی ٹی آئی رہنماؤں کی جانب سخت تنقید کی گئی۔
ذرائع کے مطابق پی ٹی آئی کےسینئررہنما نے ملاقات کی تصویرپارٹی کے واٹس ایپ گروپ میں شیئر کی جس پر وزیراعلیٰ سمیت پارٹی رہنماؤں نے ملاقات پر تنقید کانشانہ بنایا۔
ذرائع کا بتانا ہے کہ عاطف خان کا کہنا تھاکہ خفیہ نہیں، دن کی روشنی میں سب کے سامنے ملاقات ہوئی، اسلام آباد کلب میں معمول کے مطابق واک کیلئےگیا تھا جہاں عون چودھری سے آمناسامنا ہوا تو کسی نے تصویر لی۔
ذرائع کا کہنا ہے کہ عاطف خان کی بات سےگروپ میں شامل دیگر رہنماؤں نے اتفاق کیا۔
مرکزی سیکرٹری اطلاعات پی ٹی آئی شیخ وقاص اکرم کا کہناتھاکہ پی ٹی آئی ورکرز اور قیادت عاطف خان کی اس ملاقات کوناپسندیدہ سمجھتی ہے، عون چودھری نے ہمارےلیڈراور ان کی اہلیہ کیخلاف گواہی دی تھی۔