بنگلادیش کا بڑا قدم: پاکستانی حکام کے لیے ویزا کی شرط ختم

بنگلادیش نے 1971 کے بعد پہلی بار پاکستانی سرکاری اور سفارتی پاسپورٹ رکھنے والے افراد کے لیے ویزا کی شرط ختم کر دی ہے، جس کے بعد دونوں ممالک کے حکام ویزا کے بغیر ایک دوسرے کے ملک کا سفر کر سکیں گے۔

غیر ملکی میڈیا رپورٹس کے مطابق، نوبیل انعام یافتہ ڈاکٹر محمد یونس کی سربراہی میں قائم عبوری بنگلادیشی حکومت نے باہمی ویزا استثنیٰ کے اس معاہدے کی منظوری دے دی ہے۔ اس معاہدے کا اطلاق پانچ سال کے لیے ہوگا۔

ڈھاکا میں ایک پریس کانفرنس کے دوران بنگلادیشی حکومت کے ترجمان شفیق الاسلام نے بتایا کہ اسی نوعیت کے معاہدے بنگلادیش نے 31 دیگر ممالک کے ساتھ بھی کر رکھے ہیں۔ اب پاکستانی حکام کو بھی بنگلادیش میں ویزا کے بغیر داخلے کی اجازت حاصل ہوگی۔

’را‘ کا خفیہ نیٹ ورک کراچی سے پکڑا گیا

یہ پیشرفت گزشتہ ماہ ڈھاکا میں بنگلادیشی ہوم ایڈوائزر جہانگیر عالم چوہدری اور پاکستان کے وزیر داخلہ محسن نقوی کے درمیان ہونے والی ملاقات کے بعد سامنے آئی ہے، جس میں دونوں ممالک نے سرکاری پاسپورٹ رکھنے والوں کے لیے "ویزہ آن آرائیول” کے معاہدے کو حتمی شکل دینے پر اتفاق کیا تھا۔