مولا جٹ بننے سے عوام کا پیٹ نہیں بھرتا، عظمیٰ بخاری کی سہیل آفریدی پر تنقید
وزیر اطلاعات پنجاب عظمیٰ بخاری نے وزیراعلیٰ خیبرپختونخوا سہیل آفریدی پر تنقید کرتے ہوئے کہا کہ سیاسی نعروں اور مولا جٹ والی بڑھکوں سے عوام کے چولہے نہیں جلتے۔
وزیر اطلاعات پنجاب عظمیٰ بخاری کا کہنا تھاکہ وزیراعلیٰ خیبرپختونخوا سہیل آفریدی اڈيالہ جیل کے باہر مظاہرے کرنےکے بجائے صوبے میں آٹا ملیں چلانے پر توجہ دیں۔سیاسی نعروں اور مولا جٹ والی بڑھکوں سے عوام کے چولہے نہیں جلتے۔
صوبائی وزیر عظمیٰ بخاری نے کہا کہ پنجاب نے آٹے کی فراہمی پر کسی قسم کی پابندی نہیں لگائی،پنجاب سے آٹے کی ترسیل مکمل شفاف طریقے سے پرمٹ کےتحت ہورہی ہے۔
عظمیٰ بخاری کاکہنا تھاکہ پنجاب کی اولین ذمہ داری اپنے صوبے کے عوام ہیں، خیبرپختونخوا حکومت پاسکو سے خریداری کرے یا اپنی ذخیرہ شدہ گندم جاری کرے۔
