بی جے پی کو27سال بعد دہلی اسمبلی میں اکثریت مل گئی

بھارت کی دہلی اسمبلی کے انتخابات میں عام آدمی پارٹی کو شکست،مرکزی حکمران جماعت بھارتیہ جنتا پارٹی نے اکثریت حاصل کرلی۔

دہلی اسمبلی کے انتخابات کیلئے 5 فروری کو ووٹنگ ہوئی تھی جس کے بعد آج ووٹوں کی گنتی جاری ہے۔

دہلی میں حکومت بنانے کیلئے70 میں سے38 نشستوں پر کامیابی درکار ہے اور اب تک کے نتائج کے مطابق بی جے پی سادہ اکثریت سےزیادہ نشستیں حاصل کرچکی۔

بھارتی الیکشن کمیشن کےمطابق دہلی اسمبلی کے70 کےایوان میں بھارتیہ جنتا پارٹی نے44 سیٹیں جیت لیں اور اسے مزید4 نشستوں پربرتری حاصل ہے۔

10سال سےبرسر اقتدار عام آدمی پارٹی 21 سیٹیں ہی حاصل کرسکی اوراسے1 نشست پربرتری حاصل ہے۔اس کے علاوہ کانگریس ایک بھی حلقہ نہ جیت سکی۔

بھارتیہ جنتا پارٹی نے27 سال بعددہلی اسمبلی کےانتخابات میں کامیابی حاصل کی ہے، اس سےقبل1998 میں سشما سوراج آخری وزیراعلیٰ رہی تھیں۔

عام آدمی پارٹی نے10 سال بعددہلی اسمبلی میں اکثریت کھودی اورسابق وزیراعلیٰ اروند کیجریوال بھی اپنی نشست سےہاتھ دھو بیٹھے۔

عام آدمی پارٹی کےسربراہ اروند کیجریوال نےانتخابات میں اپنی شکست تسلیم کرلی اورکہا کہ وہ عوامی مینڈیٹ کو تسلیم کرتےہیں اور کامیابی پر بی جےپی کو مبارکباددیتےہیں۔