وزیراعلیٰ سہیل آفریدی کاصنم جاوید کی گرفتاری کا نوٹس،رپورٹ طلب
نو منتخب وزیر اعلیٰ خیبر پختونخوا سہیل آفریدی نے عہدہ سنبھالتے ۔د خاتون کارکن صنم جاوید کی گرفتاری کا نوٹس لیتے ہوئےجواب طلب کرلیا۔
وزیر اعلیٰ سہیل آفریدی نے صنم جاوید کی گرفتاری کے حوالے سے آئی جی خیبر پختونخوا کو فوری طور پر اپنے دفتر طلب کیا اورتفصیلات طلب کیں۔
سہیل آفریدی نے آئی جی پی کو ہدایت کی کہ صنم جاوید واقعے سے متعلق تمام پہلوؤں پر مشتمل جامع رپورٹ تیار کر کے کل تک وزیر اعلیٰ سیکریٹریٹ میں پیش کی جائے۔
سہیل آفریدی نے واضح کیا کہ صوبے میں قانون کی عمل داری ہر صورت یقینی بنائی جائے گی اور کسی شہری کے ساتھ ناانصافی برداشت نہیں کی جائے گی، وزیر اعلیٰ کی جانب سے یہ ہدایت اس وقت سامنے آئی ہے جب مختلف حلقوں کی جانب سے صنم جاوید کے ساتھ پیش آنے والے واقعے پر تشویش کا اظہار کیا جا رہا تھا۔
یاد رہے کہ پی ٹی آئی سوشل میڈیا ایکٹیوسٹ صنم جاوید کو ایک ہفتہ قبل پشاور سے گرفتار کیا گیا تھا، صنم جاوید کی گاڑی کو راستے میں روک کر اُنہیں حراست میں لیا گیا، یہ واقعہ دیگر مسافروں کے سامنے پیش آیا۔
