ایف بی آر کووصولیوں میں 868ارب روپے کی کمی کاسامنا

ایف بی آر کو مالی سال 2025-26کےپہلےگیارہ ماہ کے دوران ٹیکس وصولیوں میں 868ارب روپے کی کمی کاسامناہے۔

ایف بی آر نے اب تک 12,095 ارب روپے کے نظرِثانی شدہ ہدف کے مقابلے میں 11,227 ارب روپے جمع کیے ہیں، جس کے نتیجے میں 868 ارب روپے کی کمی سامنے آئی ہے۔

ایف بی آر کے اعلیٰ ذرائع نےبتایا کہ اس کمی کی دو بڑی وجوہات ہیں۔ پہلی، خلیجی جنگ کے باعث معاشی سرگرمیوں میں سست روی، اور دوسری، عید کی طویل تعطیلات جنہوں نے محصولات کی کمی میں مزید اضافہ کیا۔

ترجمان کے مطابق مئی 2026 میں محصولات کا خسارہ بڑھ کر 184 ارب روپے تک جا پہنچا۔مئی 2026 میں ایف بی آر کی عارضی وصولیاں 966 ارب روپے رہیں، جبکہ مقررہ ہدف 1,150 ارب روپے تھا۔

ایف بی آر حکام کو امید ہے کہ حتمی اعداد و شمار مرتب ہونے تک چند ارب روپے مزید وصول ہو سکتے ہیں۔

ایف بی آر کو ایک بہت بڑے چیلنج کا سامنا ہے، کیونکہ نظرِثانی شدہ سالانہ ہدف 13,979 ارب روپے حاصل کرنے کے لیے جون 2026 میں 2,752 ارب روپے جمع کرنا ہوں گے۔