دفتر خارجہ کا غزہ سیز فائر کا خیر مقدم، اسرائیلی جرائم کے احتساب کا مطالبہ

پاکستان نےغزہ جنگ بندی معاہدےکا خیرمقدم کرتےہوئےایک بار پھر اسرائیلی جرائم کےاحتساب کا مطالبہ کیا ہے۔

ترجمان دفترخارجہ شفقت علی خان کا ہفتہ وارمیڈیا بریفنگ دیتے ہوئے کہنا تھا پاکستان 19 جنوری سےغزہ میں سیز فائر کو خوش آمدید کہتا ہے،پاکستان مسئلہ فلسطین کے دو قومی حل کی حمایت جاری رکھے ہوئے ہے۔

ترجمان دفترخارجہ کا کہنا ہے کہ پاکستان اسرائیلی جرائم کے احتساب کا مطالبہ کرتا ہے اور غزہ کو دوبارہ رہنے کے قابل بنانے کےخواہاں ہیں۔

افغان باشندوں کی ملک بدری سےمتعلق سوال پر ترجمان دفتر خارجہ کا کہنا تھا پاکستان افغان باشندوں کو امریکا سمیت کسی تیسرے ملک بھیجنے کی پالیسی پرعمل پیرا ہے، ابھی تک ہمیں اس متعلق امریکا سے کوئی معلومات فراہم نہیں کی گئیں۔

عمران خان نے مذاکرات ختم کرنےکا کہہ دیا ہے : بیرسٹر گوہر

سندھ طاس معاہدے سےمتعلق گفتگو کرتے ہوئے شفقت علی خان کا کہنا تھا پاکستان اور بھارت کے درمیان سندھ طاس معاہدہ پانی سے متعلق بنیادی معاہدہ ہے،عالمی عدالت انصاف کے حالیہ فیصلے نے کشن گنگا ڈیم پر پاکستانی مؤقف کی تائید کی، پاکستان اس معاہدے پر پوری طرح کاربند ہے،امید ہے بھارت بھی اس معاہدے پر عملدرآمد کو یقینی بنائےگا۔

ایک سوال کےجواب میں ترجمان دفتر خارجہ کا کہنا تھا مراکش میں پچھلے ہفتے کشتی کا المناک حادثہ پیش آیا، اس حادثے میں 25پاکستان خوش قسمتی سے بچ گئے،جن کی فہرست شیئر کی گئی ہے، واقعے کی مزید نگرانی کی جا رہی ہے،مراکشی حکام نے تمام ترمعاملات میں بھرپور تعاون کیا۔

ان کا کہنا تھا پاکستان برکس میں شمولیت کا خواہاں ہے،اس پر ہمارے مؤقف میں کوئی تبدیلی نہیں آئی۔

ترجمان دفتر خارجہ کاکہنا تھا شام میں صورتحال کا قریب سے جائزہ لےرہے ہیں،ہم شام میں امن کی بحالی کی تمام کوششوں کی حمایت کرتےہیں۔