سونے کی فی تولہ قیمت نئی بلند ترین سطح پر پہنچ گئی

ملک میں سونےکی قیمت میں اضافےکا سلسلہ جاری ہے اور  آج بھی سونے کی فی تولہ قیمت میں 100 روپے کا اضافہ ہوا ہے۔

سونے کی فی تولہ قیمت 100 روپے اضافےکےبعد 3 لاکھ 3100 روپے ہوگئی ہے۔10گرام سونے کی قیمت میں 86 روپےکا اضافہ ہوا ہے،10 گرام سونے کی قیمت 2 لاکھ 59 ہزار 859  روپے ہوگئی ہے۔

امریکی صدر ڈونلڈ ٹرمپ کی جانب سے نئے ٹیرف عائد کرنے کی دھمکیوں کے بعد عالمی منڈی میں سونا مہنگا ہوا ہے۔عالمی منڈی میں سونے کی قیمت 2 ہزار 911 ڈالر فی اونس یعنی 8 لاکھ 12 ہزار روپے سے تجاوز کرگئی ہے۔

تجزیہ کاروں کے مطابق سرمایہ کاروں نے تجارتی جنگ اور  مہنگائی کے خدشات کے پیش نظر سونے پر نظریں جما لی ہیں، سونے کی طلب میں اضافے کے باعث ریٹ بڑھ گئے ہیں۔