گوادر انٹرنیشنل ائیر پورٹ سے پہلی پرواز لینڈ کرگئی

گوادر انٹرنیشنل ائیر پورٹ آج سے آپریشنل ہوگیا جب کہ پہلی پرواز بھی لینڈ کرگئی۔

ترجمان پاکستان ائیرپورٹس اتھارٹی نےنیو گوادر انٹرنیشنل ائیرپورٹ آپریشنلائیزیشن سے متعلق افواہوں کو بے بنیاد قراردے دیا۔

ترجمان پی اےاے نے اپنے بیان میں کہا کہ انٹرنیشنل ائیرپورٹ طے شدہ شیڈول کے مطابق آج 20 جنوری کو فعال ہو جائے گا لہٰذا بارشوں کےباعث نیو گوادر انٹرنیشنل ائیرپورٹ کی آپریشنلائزیشن منسوخی کی خبریں بے بنیاد ہیں، لوگ افواہوں پرکان نہ دھریں اورمعلومات کے لیے صرف مصدقہ ذرائع پرانحصار کریں۔

گوادرائیرپورٹ کی پہلی پرواز کی روانگی میں تاخیر

دوسری جانب سی پیک کوریڈور کےاہم منصوبےنیوگوادر ائیرپورٹ پر کراچی سے پہلی پرواز کی روانگی میں تاخیر سامنے آئی ہے۔

سپریم کورٹ نےفوجی عدالتوں میں ٹرائل کا کیس ڈی لسٹ کردیا

فلائٹ شیڈول کےمطابق کراچی سے قومی ائیر کی پرواز پی کے 503 پہلی پرواز ہوگی جو نیو گوادر انٹرنیشنل ائیرپورٹ پر لینڈ کرے گی۔

ایوی ایشن ذرائع کےمطابق کراچی سے اس پرواز کی کی روانگی میں 45 منٹ تاخیر کردی گئی ہے،  پرواز صبح 9:14 کی بجائے 10 بجے روانہ ہوگی، کراچی سے گئی پہلی پرواز کو نیو گوادر ائیرپورٹ پر اترنے پر واٹر سلیوٹ دیا جائے گا۔

ائیرپورٹ ذرائع کےمطابق نیو گوادر انٹر نیشنل ائیرپورٹ پر مسافروں کا استقبال کرنے کے لیے گورنر، وزیراعلیٰ بلوچستان وفاقی وزیر خواجہ آصف سمیت پاکستان اور چین کی اہم شخصیات موجود ہوں گی  جب کہ اس موقع پر ایک رنگا رنگ تقریب بھی منعقد ہورہی ہے۔

گوادرانٹرنیشنل ائیرپورٹ رقبے کےلحاظ سے پاکستان کا سب سے بڑا ائیرپورٹ ہے جو 430 ایکڑ پر گوادر شہر سے 26 کلومیٹر دور گورنڈانی کےمقام پر قائم کیا گیا ہے۔

50 ارب روپےمالیت سےتعمیر کردہ ائیرپورٹ

نیو گوادر ائیرپورٹ کا ایک ہی رن وے 3658 میٹر طویل اور 75 میٹر چوڑا ہےجس میں بڑے ہوائی جہاز کو ایڈجسٹ کرنے کی گنجائش ہے۔ لگ بھگ 50 ارب روپےمالیت سےتعمیر کردہ ائیرپورٹ پر ائیر بس اے 380 اور بوئنگ 747 جیسے بڑے طیارے بھی لینڈ کرسکیں گے۔

نیو گوادرائیرپورٹ کا علامتی افتتاح 14 اکتوبر 2024 کو وزیراعظم شہباز شریف نےکیا تھاتاہم ائیرپورٹ پر پروازوں کی باقاعدہ لینڈنگ آج سے شروع ہورہی ہے۔