وزیرصحت نے ہربل ادویات کی حمایت کردی

وفاقی وزیرِ صحت مصطفیٰ کمال کا کہنا ہے کہ ہم محسوس کر رہے ہیں کہ ہربل ادویات وقت کی ضرورت ہیں، چند ہفتوں میں ہربل سے متعلق ڈریپ کے پاس ریگولیشنز ہوں گی۔

اسلام آباد میں جڑی بوٹیوں اور روایتی ادویات پر سیمینار سے خطاب کرتے ہوئے انہوں نے کہا کہ ہربل سے متعلق قانون اور ریگولیشن نہیں ہیں، ہم نے ہربل پر قانون سازی وزارت صحت سے وزارت قانون کو بھجوا دی ہے۔

مصطفیٰ کمال کا کہنا ہے کہ یہ کانفرنس ویسٹرن میڈیسن کے خلاف نہیں، ہر شعبہ کی اپنی اہمیت ہے، ویسٹرن میڈیسن ایک وقت کے بعد آپ کے جسم پر اثر کرنا چھوڑ دیتی ہیں۔