شبھمن گل آئی سی سی پلیئر آف دی منتھ قرار
آئی سی سی نے جولائی 2025 کے لیے پلیئر آف دی منتھ کا اعلان کرتے ہوئے بھارت کے ٹیسٹ کپتان شبمن گل کو یہ اعزاز دے دیا۔
25 سالہ شبمن گل نے انگلینڈ کے خلاف ٹیسٹ سیریز میں شاندار بیٹنگ سے سب کو متاثر کیا، تین میچوں میں 75 کی اوسط سے 754 رنز اسکور کیے، جن میں ایک ڈبل سنچری اور دو سنچریاں شامل ہیں۔ ایجبسٹن ٹیسٹ میں انہوں نے 269 اور 161 رنز کی اننگز کھیل کر بھارت کو 336 رنز سے یادگار فتح دلائی۔
اس کارکردگی کے ساتھ وہ انگلینڈ میں ٹیسٹ ڈبل سنچری بنانے والے پہلے بھارتی کپتان اور بیرون ملک یہ کارنامہ انجام دینے والے دوسرے کپتان بن گئے، ساتھ ہی انہوں نے سنیل گواسکر اور سچن ٹینڈولکر کے کئی پرانے ریکارڈ توڑ دیے۔
شبمن گل آئی سی سی پلیئر آف دی منتھ کا اعزاز چار بار جیتنے والے پہلے مرد کھلاڑی بھی بن گئے۔ انہوں نے اسے اپنے کیریئر اور بطور کپتان ایک اہم سنگِ میل قرار دیا۔
اس ماہ کے ایوارڈ کے لیے انگلینڈ کے بین اسٹوکس اور جنوبی افریقہ کے ویان ملڈر بھی نامزد ہوئے تھے۔
