عمران خان نے عید کے بعداحتجاج کی تجویز دیدی

بانی پی ٹی آئی عمران خان کے وکیل فیصل چوددھری کا کہنا ہے کہ بانی پی ٹی آئی نے عید کے بعد احتجاج کی تجویز دی ہے۔

عمران خان کے وکیل فیصل چودھری کا نجی ٹی وی سے گفتگو میں کہنا تھا کہ عمران خان نے عید کے بعد احتجاج کی تجویز دی ہے اور اس حوالے سے اسد قیصر کو عوام پاکستان پارٹی، جماعت اسلامی، جی ڈی اے و دیگر اپوزیشن جماعتوں سے رابطہ کرنے کا ٹاسک بھی دیا ہے۔

فیصل چودھری نے کہا کہ پارٹی میں سب کا احتساب ہوتا ہے اور ہرکوئی اپنی بات کھل کر کرتا ہے، کیا شیر افضل کو معلوم نہیں ہماری جماعت موروثی جماعت نہیں، بیرسٹر گوہر بھی کڑوی باتیں سنتے ہیں لیکن وہ بہادرشخص ہیں۔

شعیب شاہین اور فواد چوہدری کے درمیان اڈیالہ جیل میں ہونے والی لڑائی پر فیصل چوہدری نے کہا کہ وہ فواد چوہدری کی جانب سے شعیب شاہین کو تھپڑ مارنے کے عمل کی حمایت نہیں کر سکتے اور یہ عمل نامناسب ہے۔