بھارت کا آپریشن سندور رافیل طیارہ گرنے سے تباہی میں بدل گیا: جرمن اخبار

چین کے جے 10 سی ملٹی رول لڑاکا طیارے سے شکست کے بعد گرنے والے فرانسیسی رافیل طیارے نے بھارت کا آپریشن سندور ایک تباہی میں بدل دیا۔
جرمنی کے اخبار میں شائع آرٹیکل کے مطابق پاکستان پر بھارتی حملےمیں رافیل طیاروں کی تباہی مغرب کے لیے ایک سبق ہے، بھارتی پائلٹس کو پاکستانی پائلٹوں کی طرف سےشدید مزاحمت ملی۔
اخبار کے مضمون میں لکھا گیا ہےکہ تکنیکی برتری کے گھمنڈ میں مبتلا بھارت پاکستان کی فضائی دفاعی صلاحیتوں اور جے 10 سی اور پی ایل میزائل کی صلاحیتوں کا اندازہ لگانے میں بری طرح ناکام رہا، رافیل کا گرنا یورپ کے لیے بھی وارننگ ہے۔
ڈونلڈ ٹرمپ کا خطے میں امن کی بات کرنے والا بیان جھوٹ پر مبنی ہے، ایرانی سپریم لیڈر آیت اللہ علی خامنہ ای
دوسری جانب امریکی جریدے کا کہنا ہےکہ چین کا جے 10 سی لڑاکا طیارہ امریکا کے ایف سولہ طیاروں کی برآمدات کو تباہ کر سکتا ہے۔
چین کی کوشش ہےکہ وہ جے 10 کو ایف سولہ کا حقیقی حریف بنائے، اگر چینی کمپنیاں امریکی ایف 16 کی فروخت میں خلل ڈالنے میں کامیاب ہو جاتی ہیں تو یہ امریکا کے دفاعی شعبے کے لیے بہت بڑا دھچکا ہو گا۔