ایرانی قوم صبرکرے،حق کو ضرور فتح ملےگی،آیت اللہ خامنہ ای
ایران کے سپریم لیڈر آیت اللہ خامنہ ای نےکہا ہے کہ یقیناً اللہ تعالیٰ ایرانی قوم کو، حق کو، اور سچائی کے ساتھ کھڑے ہونے والوں کو ضرور فتح عطا فرمائے گا۔
ایران کے سپریم لیڈر آیت اللہ خامنہ ای کی جانب سے ایکس پر قرآن پاک کی سورۃ آل عمران کی آیت نمبر 126 کا ترجمہ پوسٹ کیا گیا ہے ’اور فتح صرف اللہ کی طرف سے ہے، جو غالب ہے، حکمت والا ہے‘ (سورۃ آل عمران 3:126)۔
آیت اللہ خامنہ ای نے پیغام میں لکھا کہ میں اپنی عزیز قوم سے کہنا چاہتا ہوں کہ اگر دشمن کو یہ محسوس ہوا کہ آپ ان سے ڈرتے ہیں، تو وہ آپ کو کبھی نہیں چھوڑے گا۔
ایرانی سپریم لیڈر کا کہنا تھاکہ آپ نے آج تک جو رویہ اختیار کیا ہے، اُسے جاری رکھیں، اور اسی قوت، ہمت اور استقامت کے ساتھ آگے بڑھیں۔
سپریم لیڈر نے مزید لکھا کہ امریکا میدان میں آ چکا ہے، اسرائیل کا امریکا سے مدد مانگنا خود اس حکومت کی کمزوری اور بے بسی کی علامت ہے۔
