اسرائیل نے ایران کو پرائمری اور غزہ کو سکینڈری وار فرنٹ قرار دے دیا

اسرائیل نے ایران کے ساتھ جنگ شروع ہونے کے بعد ایران کو پرائمری اور غزہ کو سکینڈری وار فرنٹ قرار دیتے ہوئے اپنی تمام تر توجہ غزہ سے ہٹاکر ایران کی جانب مرکوز کردی ہے۔

اسرائیلی اخبار کےمطابق ہفتے کو اسرائیلی فوج نے اس بات کی تصدیق کی کہ افواج کی تمام تر توجہ اب غزہ سےہٹ کر ایران کی جانب مرکوز ہوگئی ہے۔ اسرائیلی ڈیفنس فورس نے ایران کو پرائمری اور غزہ کو سکینڈری وار فرنٹ قرار دے دیا ہے۔

اسرائیلی فوج کا کہنا ہےکہ فوج کی جانب سے ایران کے دو فوجی مقامات کو نشانہ بنایاگیا اور کافی نقصان پہنچایا۔

ذرائع کےمطابق گزشتہ 24 گھنٹوں سے ائیر فورس جیٹس نے ایران کے اندر 150 اہداف کو نشانہ بنایا۔

اسرائیلی اخبار کی رپورٹ کےمطابق اسرائیلی ڈیفنس فورس نے پہلی بار تسلیم کیا کہ ایران کی نیوکلیئر سائٹ ‘فورڈو’ اور ‘نوٹنگ’ کو نشانہ بنایاگیا ہے تاہم ان سائٹس کو ویسا نقصان نہیں پہنچا جس نوعیت کا حملہ کیاگیا تھا۔

ایران کے حملوں سے اسرائیل کا جدید ترین دفاعی نظام تباہ

اسرائیلی ڈیفنس فورس نے یہ بھی کہاکہ فضائیہ کی کوششوں سے ایران کے دارالحکومت تہران کےلیے ایک محفوظ راستہ پیدا ہوگیا ہےاور وہ اب اس کی فضائی حدود میں آزادانہ طور پر رسائی حاصل کرسکتے ہیں۔