وزن پر تنقیدکےبعدکترینہ کیف بھی بول پڑیں
بالی ووڈ کی معروف اداکارہ کترینہ کیف نے بالآخر شدید عوامی تنقید کے بعد اپنا مؤقف بیان کر دیا۔
اداکارہ نے پہلے بچے کی پیدائش کے بعد جسم میں آنے والی تبدیلیوں کے حوالے سے حال ہی میں بھارتی میڈیا کو ایک انٹرویو دیا ہے۔
اداکارہ نے کہا کہ حمل کے بعد میری جلد پہلے سے بھی زیادہ حساس ہو گئی تھی، اس لیے یہ میرے لیے ایک مشکل مرحلہ تھا کیونکہ مجھے سمجھنا تھا کہ کون سی مصنوعات میرے لیے موزوں ہیں، میں ایسی مصنوعات تلاش کر رہی تھی جو جلد کو سکون، ٹھنڈک اور بحالی کا احساس دیں۔
کترینہ کیف سے پوچھا گیا کہ فلمی صنعت میں آنے کے بعد بہترین نظر آنے کے آپ کے تصور میں کیا تبدیلی آئی؟
انہوں نے بتایا کہ اس میں بہت زیادہ تبدیلی آئی ہے، جب میں نے ماڈلنگ اور اداکاری سے اپنے کیریئر کا آغاز کیا تو خوبصورتی کے معیار کے حوالے سے بہت سے دقیانوسی تصورات موجود تھے، اب میرے لیے بہترین نظر آنے کا مطلب دراصل بہترین محسوس کرنا ہے اور یہ احساس خود کو مجموعی طور پر بہتر رکھنے سے آتا ہے۔
