نصراللہ کی محبت میں بھارت سے پاکستان پہنچی خاتون انجو کے بعد 53 سالہ کمبرلی ڈان بھی عباس کی محبت میں لوئر دیر پہنچ گئیں۔53 سالہ کمبرلی ڈان نامی امریکی خاتون پاکستانی نوجوان عباس کی محبت میں دیر کی تحصیل ترناؤ اسبنڑ پہنچی ہیں ۔

اردو نیوز کی ایک رپورٹ کے مطابق ترناؤ اسبنڑ  سے تعلق   رکھنے والے  عباس یونیورسٹی کے طالب علم ہیں  جن کا رابطہ سات سمندر پار امریکا میں بسنے والی کیمبرلی سے سوشل میڈیا ویب سائٹ فیس بک پر  ہوالیکن  اس وقت دونوں نے یہ سوچا بھی نہیں تھا کہ  وہ کبھی رشتہ ازدواج میں منسلک ہوجائیں گے، اس کے بعد دونوں  کی دوستی جلد ہی محبت میں تبدیل ہوگئی ۔