الیکشن کمیشن کو 30 روز میں فارن فنڈنگ کیس کا فیصلہ کرنے کا حکم

اسلام آباد کی عدالت عالیہ نے الیکشن کمیشن کو تحریک انصاف کے فارن فنڈنگ کیس کا فیصلہ 30 روز میں کرنے کا حکم دیا ہے۔
عدالت عالیہ کے جسٹس محسن اختر کیانی نے تحریری فیصلہ جاری کیا ہے۔ جس میں اسلام آباد ہائی کورٹ نے فارن فنڈنگ کیس کا ریکارڈ اکبر ایس بابر کو دینے سے روکنےکی پی ٹی آئی کی درخواست بھی مسترد کردی، اکبر ایس بابر کو ممنوعہ فارن فنڈنگ کیس کی کارروائی سے الگ کرنےکی درخواست بھی مسترد کردی گئی۔ اسلام آباد ہائی کورٹ نے پی ٹی آئی کی اکبر ایس بابر کے خلاف درخواست خارج کردی اور الیکشن کمیشن کا فیصلہ برقرار رکھا ہے۔
فوجی ترجمان نے عمران کے سازشی بیانیے کی دھجیاں بکھیردیں
یاد رہے کہ تحریک انصاف نے الیکشن کمیشن کا فیصلہ چیلنج کیا تھا، الیکشن کمیشن نے 25 جنوری اور 31 جنوری کو پی ٹی آئی کی دائر درخواستیں مسترد کر دی تھیں۔ممنوعہ فارن فنڈنگ کیس نومبر 2014 سے الیکشن کمیشن میں زیر سماعت ہے۔