معروف ماڈل و اداکارہ نادیہ حسین نے انکشاف کیا ہے کہ پیسے ڈبل کرنے پر مجھے بروکر عاطف خان سے محبت ہوگئی تھی جوکہ  2003 تک رشتہ ازدواج تک پہنچ گئی، دونوں اب بھی ہنسی خوشی زندگی بسر کر رہے ہیں۔نادیہ حسین اگرچہ انٹرویوز میں خواتین کے حقوق، گھریلو تشدد، انہیں طلاق دیئے جانے کے اختیارات سمیت خواتین کے دیگر مسائل پر کھل کر بات کرتی آئی ہیں، تاہم وہ اپنی شادی شدہ زندگی پر بہت کم بات کرتی دکھائی دیتی ہیں۔

ماضی میں خواتین کی خود مختاری پر بات کرتے ہوئے ایک شو میں نادیہ حسین نے دعویٰ کیا تھا کہ وہ اپنے شوہر کا کوئی کام نہیں کرتیں، اور اب انہوں نے کیریئر کے عروج پر شادی کرنے، شوہر سے محبت ہو جانے سمیت ماڈلنگ کیریئر پر بھی کھل کر باتیں کی ہیں، نادیہ حسین نے بتایا کہ معروف گلوکارہ ٹینا ثانی ان کی خالہ ہیں جو انہیں بچپن میں ٹی وی پروگرامات میں لے کر جاتی تھیں، جس وجہ سے انہیں کیریئر بنانے میں آسانی ہوئی۔

میکپ آرٹسٹ نے بتایا کہ ان کی ایک دوست ایک فیشن شو میں انٹرن شپ پر کام کرتی تھیں، جنہوں نے انہیں ماڈلنگ کی پیش کش کی اور یوں وہ دیکھتے ہی دیکھتے ماڈل بن گئیں، نادیہ حسین نے دعویٰ کیا کہ انہیں 20 سال کی عمر میں پہلی ماڈلنگ کمپین کے اس وقت 25 ہزار روپے دیئے گئے جوکہ اس زمانے میں بہت زیادہ رقم تھی۔

نادیہ حسین کے مطابق اب 23 سال گزر جانے کے بعد بھی پہلی کمائی 25 ہزار روپے ہونا بڑی بات ہوتی ہے لیکن انہیں کئی سال قبل پہلی کمائی اتنی مل چکی ہے، ماڈل نے اعتراف کیا کہ ممکنہ طور پر ان کی خوبصورتی اور دراز قد ہونے کی وجہ سے بھی انہیں چانسز ملے جبکہ انڈسٹری میں ان کے خود بخود تعلقات بنتے گئے، جس وجہ سے انہیں کوئی پریشانی نہیں دیکھنی پڑی، پروگرام کے دوران نادیہ حسین نے انکشاف کیا کہ کیریئر کے عروج پر انہیں بھارت میں فلموں سمیت ماڈلنگ کے کام کی پیش کش ملی تھیں مگر انہوں نے انکار کر دیا تھا۔

نادیہ حسین نے واضح کیا کہ انہیں اس وقت اپنے منگیتر نے بھارت جانے سے نہیں روکا تھا لیکن انہیں پہلے سے ہی احساس تھا کہ وہ شادی کرنے جا رہی ہیں اور شادی کے فوری بعد بھارت میں جاکر کام کرنا ممکن نہیں ہوگا، ایک اور سوال کے جواب میں نادیہ حسین نے بتایا کہ کیریئر کے عروج پر جب انہوں نے اسٹاک مارکیٹ میں سرمایہ کاری کرنا شروع کی تو انہیں اپنے بروکر کے ساتھ محبت ہوگئی اور ان سے شادی کرلی۔

اداکارہ نے بتایا کہ ان کے شوہر ان کے بروکر تھے، جنہوں نے انہیں متاثر کرنے کے لیے انہیں پیش کش کی تھی کہ اگر انہوں نے ماڈل کو پیسے ڈبل کر کے دیئے تو وہ انہیں ڈنر کروائیں گی، نادیہ حسین نے مسکراتے ہوئے انکشاف کیا کہ انہیں لگتا ہے کہ ان کے شوہر نے اپنے پیسے ملا کر انہیں ڈبل پیسے کر کے دیئے ہوں گے تاکہ میں ان سے متاثر ہو سکوں۔

نادیہ حسین کے مطابق تاہم آج تک ان کے شوہر نے انہیں یہ نہیں بتایا کہ واقعی ان کے پیسے سرمایہ کاری سے ڈبل ہوئے تھے یا انہوں نے خود اپنے پیسے ملا کر انہیں ڈبل کر کے دیئے تھے، لیکن ان کا اپنا خیال ہے کہ شوہر نے انہیں

نادیہ خان کو آپریشن کے دوران شوٹنگ پر کس نے بلایا؟

اپنے پیسے ملا کر انہیں ڈبل پیسے کر کے دیئے ہوں گے۔