مائیک ہیسن نے پاکستانی کھلاڑیوں کی کارکردگی کو سراہ دیا، ٹیم کی پیش رفت پر خوشی کا اظہار
ہیڈ کوچ کا کہنا ہے کہ کھلاڑی ہر چیلنج کا بھرپور مقابلہ کرنے کے لیے تیار ہیں، باصلاحیت اور محنتی سپورٹ اسٹاف بھی تعریف کا مستحق ہے۔
پاکستان کرکٹ ٹیم کے ہیڈ کوچ مائیک ہیسن نے کھلاڑیوں کی عمدہ کارکردگی کو سراہتے ہوئے ٹیم کی حیثیت سے مسلسل آگے بڑھنے پر خوشی کا اظہار کیا ہے۔
مائیک ہیسن نے سوشل میڈیا پر اپنے پیغام میں کہا کہ یہ خوشی کی بات ہے کہ ٹیم کی حیثیت سے آگے بڑھنے کا سفر جاری ہے۔
ان کا کہنا تھا کہ کھلاڑی ہر چیلنج کا بھرپور مقابلہ کرنے کے لیے آگے آ رہے ہیں، جبکہ ٹیم کا باصلاحیت اور سخت محنت کرنے والا سپورٹ اسٹاف بھی خصوصی تعریف کا مستحق ہے۔
واضح رہے کہ لاہور کے قذافی اسٹیڈیم میں پاکستان، سری لنکا اور انگلینڈ کے درمیان کھیلی گئی تین ملکی سیریز کے فائنل میں پاکستان نے سری لنکا کو 3 وکٹوں سے شکست دی تھی۔
