مریم نواز کی دوسرےصوبوں کے طلبہ کیلئے بھی سکالر شپ کی منظوری

وزیراعلیٰ پنجاب مریم نواز نے دوسرے صوبوں کے طلبہ کو بھی لیپ ٹاپ اور سکالر شپ دینے کا اعلان کردیا۔

وزیراعلیٰ پنجاب مریم نواز نے دوسرے صوبوں کے طلبہ کیلئے بھی ہونہار اسکالر شپ اسکیم کی منظوری دے دی۔

مریم نواز نے کہا کہ پنجاب میں طلبہ کیلئےلیپ ٹاپ کی تعداد بڑھا کرایک لاکھ 10 ہزار کردی ہے جب کہ لیپ ٹاپ اور ہونہاراسکالر شپ دیگر صوبوں کے طلبہ کا بھی حق ہے۔

وزیراعلیٰ پنجاب نے کہا کہ آزاد کشمیر، گلگت بلتستان، بلوچستان اور خیبرپختونخوا سمیت دیگر صوبوں کے طلبہ بھی ہمارے بچے ہیں،ہونہار اسکالر شپ  کیلئےجو پنجاب کا معیار ہے وہی دیگر صوبوں کے طلبہ کیلئے مقرر کیا جائے گا۔

وزیراعلیٰ پنجاب مریم نواز نے مزید کہا کہ میرٹ پر آنے والا ہر بچہ اچھے کالج میں داخلہ لے فیس ہم دیں گے،ہم ہر بچے کی قسمت بدلنا چاہتے ہیں۔