خواتین کے مقابلے میں مردوں کے دماغ تیزی سے سکڑنےکاانکشاف

ماہرین صحت کاکہناہے کہ عمر میں اضافے کے ساتھ خواتین کے مقابلے میں مردوں کے دماغ زیادہ تیزی سے سکڑتے ہیں، مگر الزائمر امراض خواتین کو زیادہ متاثر کرتے ہیں۔

ویسے تو اکثر مردوں میں جان لیوا امراض قلب کا خطرہ زیادہ ہوتا ہے مگر خواتین میں دماغی تنزلی کا شکار بنانے والے الزائمر مرض کی تشخیص زیادہ ہوتی ہے۔

عالمی ادارہ صحت کے مطابق 2021 میں دنیا بھر میں 5 کروڑ 70 لاکھ افراد ڈیمینشیا کے شکار تھے جبکہ ہر سال لگ بھگ ایک کروڑ نئے کیسز کا اضافہ ہو رہا ہے۔

مگر عالمی سطح پر الزائمر امراض کے کیسز مردوں کے مقابلے میں خواتین میں دوگنا زیادہ ہیں۔

درحقیقت 45 سال کی عمر میں کسی خاتون میں الزائمر سے متاثر ہونے کا خطرہ 20 فیصد جبکہ مرد میں 10 فیصد ہوتا ہے۔

برسوں سے سائنسدان اس معمے کو سمجھنے کی کوشش کر رہے ہیں کہ ایسا کیوں ہوتا ہے اور یہ خیال ظاہر کیا جاتا ہے کہ ایسا دماغی ساخت میں تبدیلیوں کی وجہ سے ہوتا ہے۔