پاکستان سےجنگ میں بھارت کے7سےزیادہ جہاز گرے،ٹرمپ کانیادعویٰ

امریکی صدر ڈونلڈ ٹرمپ نےدعویٰ کیا ہے کہ بھارت اور پاکستان کے حالیہ تنازع میں 7 سے زیادہ طیارے گرے، مگر وہ رپورٹ نہیں ہوئے۔

وائٹ ہاؤس میں کابینہ اجلاس سے خطاب کرتے ہوئے ڈونلڈ ٹرمپ نے کہا کہ اگر میں پاکستان اور بھارت کی جنگ مداخلت کرکے تنازع ختم نہ کراتا تو دونوں ممالک کے درمیان ایٹمی جنگ چھڑ سکتی تھی۔ دوبارہ اگر دونوں ملکوں کے درمیان جنگ ہوتی ہے تو ہم مداخلت کریں گے۔

امریکی صدر نے کہا کہ پاکستان کے بھارت کے مابین اس وقت نفرت کی شدت بہت زیادہ تھی اور یہ تنازع کئی سو سال سے مختلف ناموں کے ساتھ جاری رہا ہے۔

ٹرمپ نے کہا کہ اگر پاکستان اور بھارت کے مابین دوبارہ جنگ ہوتی ہے تو ہم مداخلت کریں گے۔

امریکی صدر نے بتایا کہ جنگ کے دوران بھارت اور پاکستان دونوں سے رابطہ کیا اور معاملے کو سلجھانے کی کوشش کی۔ انہوں نے کہا کہ اگر مستقبل میں بھارت اور پاکستان کے درمیان تنازع دوبارہ شروع ہوا تو وہ پھر مداخلت کریں گے۔ ’مجھے نہیں لگتا کہ ایسا ہوگا، لیکن اگر ہوا تو میں اسے روک دوں گا۔ ہم ایسی چیزوں کو ہونے نہیں دے سکتے۔

واضح رہے کہ ٹرمپ اس سے قبل بھی کئی بار بھارت اور پاکستان کے درمیان جنگ بندی کا کریڈٹ لیتے رہے ہیں۔ حال ہی میں انہوں نے بھارت پر روسی خام تیل کی خریداری پر 50 فیصد تک ٹیرف بڑھا دیا ہے جو آج سے نافذ ہوگیا ہے۔

بھارت نے امریکی صدر کے اس دعوے کی تردید کی ہے اور کہا ہے کہ جنگ بندی میں امریکا کا کوئی کردار نہیں تھا۔ نئی دہلی نے ٹرمپ انتظامیہ کی بار بار مداخلت پر ناراضی بھی ظاہر کی ہے۔