جنوبی افریقہ کے خلاف ٹیسٹ سیریز کےلیے قومی سکواڈ کا اعلان

جنوبی افریقہ کے خلاف دو ٹیسٹ میچز پر مشتمل سیریز کےلیے 18 رکنی قومی سکواڈ کا اعلان کردیا۔

قومی سلیکشن کمیٹی کے مطابق شان مسعود بدستور ٹیم کی قیادت کریں گے جب کہ ٹیم میں تین نئے کھلاڑی آصف آفریدی، فیصل اکرم اور روحیل نذیر کو شامل کیاگیا ہے۔

سیریز کا پہلا ٹیسٹ 12 سے 16 اکتوبر تک لاہور کے قذافی سٹیڈیم میں اور دوسرا ٹیسٹ 20 سے 24 اکتوبر تک راولپنڈی میں کھیلا جائےگا، کیمپ 30 ستمبر سے 8 اکتوبر تک لاہور میں جاری رہےگا جس کےبعد پہلے ٹیسٹ سے قبل سکواڈ مزید مختصر کیا جائے گا۔

ٹیم میں شان مسعود ( کپتان )، بابر اعظم، محمد رضوان، شاہین شاہ آفریدی، امام الحق، سعود شکیل، سلمان علی آغا، عبداللہ شفیق، عامر جمال، حسن علی اور خرم شہزاد شامل ہیں۔

ساجد خان، نعمان علی، ابرار احمد، کامران غلام ، فیصل اکرم، آصف آفریدی اور روحیل نذیر کو بھی جنوبی افریقہ کے خلاف ٹیسٹ سیریز کےلیے 18 رکنی ٹیم کا حصہ بنایا گیا ہے۔