جوانی میں موٹاپا ذیابیطس کےپھیلاؤ کاسبب قرار

ماہرین صحت کاکہنا ہے کہ جوانی میں موٹاپا ذیابیطس کےپھیلاؤ کاسبب قرار

ہے کیونکہ توند نکلنے سے جسم کی انسولین کو مؤثر طریقے سے استعمال کرنے کی صلاحیت گھٹ جاتی ہے۔

موجودہ عہد میں جوان افراد میں ذیابیطس ٹائپ 2 جیسا دائمی مرض بہت تیزی سے عام ہوتا جا رہا ہے۔ماضی میں اسے درمیانی عمر کے افراد کا مرض تصور کیا جاتا تھا مگر اب یہ 20 سال سے زائد عمر کے افراد میں بھی کافی عام ہوتا جا رہا ہے۔

اس حوالے طبی ماہرین نے مختلف وجوہات پر روشنی ڈالی ہے جو جوان افراد میں ذیابیطس ٹائپ 2 کے پھیلاؤ کا باعث بن رہی ہیں۔اضافی جسمانی وزن خاص طور پر توند نکلنے سے جسم کی انسولین کو مؤثر طریقے سے استعمال کرنے کی صلاحیت گھٹ جاتی ہے۔جسمانی چربی میں جتنا اضافہ ہوگا، انسولین کی مزاحمت اتنی زیادہ بڑھ جائے گی جس کا نتیجہ ذیابیطس ٹائپ 2 کی شکل میں نکلتا ہے۔

          چینی اور نمک سے بھرپور غذاؤں یا الٹرا پراسیس غذاؤں کو کھانے کا شوق بھی ذیابیطس کا شکار بنا سکتا ہے۔موجودہ عہد میں جوان افراد جنک فوڈ کا استعمال پسند کرتے ہیں جس سے جوانی میں ہی میٹابولزم کو نقصان پہنچتا ہے اور ذیابیطس سے متاثر ہونے کا خطرہ بڑھ جاتا ہے۔